Carnaval y Antroxu ¿son lo mesmo?

El que mos visite nestes feches sorprenderáse tal vez al ver anunciáu el Carnaval pol nome d’Antroxu, o engurriará la cara al comprobar que llocalidaes como Nueva (en Llanes) celébrenlo ¡nada menos que’l 19 de marzu!

Tranquilos, nun espantéis como pitinos ensin cabeza énte tantu desconciertu, que too tien un por qué.

Descensu de Galiana 2013 n’Avilés (fotografía: Víctor Gómez)

Pa poder entendelo debemos tornar a los díes de fiesta, fartura y escesos previos a la Cuaresma (Quadragesima, periodu de 40 díes previos a la Selmana Santa), qu’emprincipiaba’l Miércoles de Ceniza, momentu que los fieles recoyíense na austeridá y na reflexón, ayunando o abandonando’l consumu de carne. D’ehí la pallabra carnaval, del venecianu carnevale, de carne (carne) y levare (quitar).

3176636208_373bd27049_z

Os Reises d’El Valledor, Ayande (fotografía: Carlos González)

Pero l’Antroxu (en delles partes; Antrueyu, Antruidu, Antroidu, Entroido…) nun tien res que ver col cultu cristianu. Remanez del llatín introitus (entrada, entamu), ya qu’antecedía al añu nuevu (solía escomenzar el mesmu día de Navidá), teniendo’l so orixe nes celebraciones campesines de la Europa pagana -como les Saturnales o Lupercales– armaes ente l’equinocciu d’iviernu’til la primavera. Ello’tis, en ciertu mou conmemorábase’l “nacimientu de la lluz”, cuando los díes empezaben a allargase, razón pola que tamién coinciden coles fiestes –cristianizaes- de Santa Llucía (20-23 d’avientu na Edá Media) y de La Candelaria o de la Lluz (2 de febreru). El ciclu agrariu reanudábase y la vida volvía a referver, pero había qu’ayudar a espertar a la tierra. Esti’tis l’aniciu, por cierto, de la curiosa tradición en delles zones del occidente asturianu de prender ramones de paya pa beneficiar la collecha; El Pachizu o Los Payones.1

Asina, en munchos pueblos los vecinos amazcaraben, emprestándose a la fiesta y a la tresgresión, gastando bromes y faciendo sonar lloqueros. Esto venía acompañao tamién por banquetes abondosos y esaxeraos enantes de la Cuaresma,’boutmanera de carne de gochu y de llambionaes (frixuelos, picatostes, casadielles…). Equí tenemos, asina, l’orixe de les célebres mazcaraes d’iviernu celebraes’til la primavera, del nuesu verdaderu Antroxu.

5489549696_02395dbe1e_b

Los Sidros de Valdesoto, Siero (fotografía: Carlos González)

Y nun teníen llugar únicamente nes aldees, les pintures d’Evaristo Valle danmos testimoniu de la so celebración n’Uvieo. Tenemos constancia de L’Obispín, una mazcarada festexada dientro de la propia Catedral de San Salvador ente’l 18 d’avientu y los Santos Inocentes2, o de personaxes tan pecuñares como La Destrozona, un varón vestíu de muyer que repartía escobazos a degüellu.3

Otru testigu de l’Antroxu uvieín foi’l conocíu escritor carbayón Perfecto Fernández (Nolo), quien en 1906 recueye delles referencies na so obra “Veyures y Caxigalines”.4

«¡Morrer tú?… Ha haber abondo
Pa que Xuanín ciarr’el güeyu
Sin ver d’isti añu les fiestes
Que se cellebren n’Uvieu
d’Antroxu les bullicioses
galanes de Samateu.»

22980971691_281aaa5c75_b

‘Carnavalada de Oviedo’ (Evaristo Valle, 1928)

Pero, ¡ai amigu! Col cleru topemos. La ilesia nunca nun vio con bon güeyu estes festividaes escandaloses, que tentó de restrinxiles por tolos medios a los díes previos al Miércoles de Ceniza (Xueves de Comadres, Domingu’l Gordu, Llunes y Martes d’Antroxu), anque nun siempre con éxitu. Foi la so prohibición tres la Guerra Civil lo que realmente determinó la so desapaición.

15961245149_f0172d8342_z

El Guirria de Ponga (fotografía: Desdeasturias.com)

Cola llegada de la Democracia munchos conceyos rescataron l’Antroxu, pero la influyencia de la televisión afitó’l referente nel Carnaval de Brasil, de Cádiz o de Tenerife, escaeciendo la tradición asturiana. Güei menos d’una decena d’estes mazcaraes’boutvivieron, cuasi toes recuperaes. Ye’l casu de Los Sidros y Les Comedies (Valdesoto, Siero), El Guirria (San Xuan de Beleño, Ponga), Os Reises d’El Valledor (Ayande), Os Reises de Tormaleo (Ibias), Los Aguilandeiros de San Xuan de Villapañada (Grau) y Los Guilandeiros de Tinéu.

Otres, como Los Bardancos de Casu, Las Comparsas de Quirós, Los Zamarrones de Ḷḷena, Los Aguilanderos de Xedré o La Puela o Los Zaparrastros de Ayer alcuéntrense n’hibernación, esperando ser retomaes polos sos vecinos.

antroxu

“Les Mazcaraes n’Asturies” (diseñu: Denis Soria)

Antroxando pallabres…

Nesti ambiente de folixa y socarronería nun faltaben los cantares y les coples inda presentes na tradición oral. Les más d’elles anónimes, anque entá conservamos l’autoría de dalgunes como les del popular Antón el Coque, resucitaes pol cantante Jerónimo Granda en 1977.5

Por eso son tan valiososos estos otros versos recitaos por Araceli Noval, vecina d’Oles (Villaviciosa),’cause amuesen la cara más instrospectiva del Antroxu, la más sobria y moralizante.

Agora ya sabéis que L’Antroxu y el Carnaval, según cómo entendamos la fiesta, refiérense a lo mesmo o a coses diferentes. Pos nel fondu escuéndese esi pulsu eternu ente’l llume que s’abre pasu baxo la fría calma de lo qu’un día foi primavera, convertíu asina nel ciclu mesmu de la vida.

La *xuventú’tis folixa,’tis diversión,’tis folgueta.
Les penes y desengaños quédense pa la vieyera.
Vosotros sois l’Antroxu, nosotros la Cuaresma.

Referencies:

  1. La Nueva España, “Los Payones reviven en Temia (Grado)”, 05/02/2016. URL: http://www.lne.es/centro/2016/02/05/payones-reviven-temia-grado/1878424.html
  2. Asturies.com, Cultura, “Antroxu, oríxenes”. URL: http://asturies.com/cultura/yetiempude/antroxu/ant3.htm
  3. El Comercio, “Tras las huellas del Antroxu en Oviedo”, 10/2014. URL: http://www.elcomercio.es/gijon/20090222/oviedo/tras-huellas-antroxu-20090222.html
  4. Fernández Ustatorre, P., 1906 “Veyures y caxigalines”; Edición fascímil ALLA 1992: 56. URL: https://books.google.es/books?id=EkShunePvyUC&pg=PA16&lpg=PA16&dq=antroxu+uvieu&source=bl&ots=KjY0TJSAqq&sig=aRuq5KOJnvIPr0IMXmxYKxcEXYE&hl=es&sa=X&ved=0ahUKEwiVh4yU843LAhVJXRQKHXI9A0Q4FBDoAQgxMAQ#v=snippet&q=destrozona&f=false
  5. Granda, Jerómimo.,”Coplas de Carnaval” URL: https://www.youtube.com/watch?v=y_pFw4nrYyk
Advertisements

One response to “Carnaval y Antroxu ¿son lo mesmo?

  1. Pingback: Carnaval y Antroxu ¿son lo mismo? | APIT ASTURIAS·

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s