Historia asturllionesa: La Guerra del Mirandún

El castiellu de Miranda de l Douro, tres la guerra (Fotografía: Claudio Silva)

Miradun se fui a la guerra
Mirandun, Mirandun, Mirandela
Nun sei quando benerá.
Se benerá pula Páscoa,
Se pula Trenidá…

(Lletra: Popular)

La Guerra del Mirandún ye’l nome pol que se conoz na Tierra de Miranda a la Guerra de los Siete Años, qu’engulló a Portugal en 1761. Ye tamién conocida como la Guerra de los Pactos de Familia o Guerra Fantástica, ya que la mayor parte del conflictu malpenes se llimitó a una socesión marches y contramarches, mientres que la mayoría de los enfrentamientos –obviando la toma de delles places- produxéronse ensin presentar batalla de manera formal.

Dau’l fuerte vínculu que asturianos y llioneses guardamos cola Tierra de Miranda qué meyor oportunidá p’averamos un poco más a la nuesa historia, muncho más permeable a les fronteres de lo que pensamos.

Ellí onde’l ríu Dueru~Douru fai de llinia divisoria ente España y Portugal endólcanos un escobiu graníticu inmensu afuracáu pola serenidá de la so corriente. A un llau, la villa de Miranda de l Douro llevántase’bout una talaya de 690 m que mira –unes veces con simpatía, otres con rocea- a les tierres del otru llau de la raya moyada.

958911662_168197bb59_o

Ríu Dueru~Douru dende Aldinuoba, Miranda. (Fotografía: Hugo Verissimo)

Llugar, polo tanto, tan estratéxicu como cobiciáu, fadríase valir como capital d’una rexón que permanecería nel Reinu de Llión’til la independencia del Condáu Portucalense nel añu 1147. Dase la circunstancia que tradicionalmente los mirandeses siempre tuvieron una rellación más cercana colos sos vecinos llioneses que col restu de Portugal (Meirinhos, 2014)1, razón por que los monarques portugueses trataron con especial cuidáu a esta población al traviés de privilexos y cartes forales. Asina, el rei D. Dinis (gran nome) reedificaría les defenses del so castiellu y otorgará a Miranda’l títulu de villa nel añu 1286, elevándose a la categoría de ciudá de la mano D. João III en 1545.

castiellu miranda 1

Grabáu del Castiellu de Miranda de l Douro, del “Livro das Fortalezas”, 1509. (Fonte: Arquivo Nacional Torre do Tombo).

Los sieglos XVII-XVIII supondrán un periodu d’inestabilidá debío a la so posición como potente baluarte na llinia de defensa portuguesa, siendo atacada o tomada nos conflictos socesivos: la Guerra de Restauración (1640 – 1668), la Guerra de Socesión (1702 – 1714) y la que mos ocupa; el patacal de la Guerra de los Siete Años (1756 -1763) que tentaremos de resumir.

Nésta Inglaterra y Francia pugnaben por ser la primer potencia europea. D’un llau la emperatriz austríaca María Teresa envizcárase nuna guerra con Prusia –aliada d’Inglaterra- pa recuperar Silesia, polo que pide apoyu de Francia. Los Pactos de Familia roblaos ente los Borbones castellanos y franceses, nos que se comprometíen al auxiliu mutuu, facíen obligada la participación d’España na contienda. La posición de Portugal’twas, pela cueta, daqué más complexa. La reina consorte de Portugal, María Victoria,’twas hermana de Carlos III d’España y como Borbona esperábase qu’apoyare a Francia, daqué a lo que’l so maríu (el rei José I) nun taba dispuestu. L’alianza de Portugal con Inglaterra provocó que Carlos III esixere’l cumplimientu del Pactu de Familia y -énte la negativa- planiara la invasión de Portugal.

carlos-iii

Carlos III de Borbón con cara de tuntu pueblu (retratu d’Anton Rafael Mengs, 1765)

La intención francesa’twas penetrar en Portugal y tomar Lisboa, sede de la corte. Por embargu Carlos III descartaría esa opción, dizse que pa que so hermana «no se viese obligada a presenciar de cerca los horrores de la lucha» (Queiroz de Martins, 2006)2. Realmente nun deseaba privala del tronu y el so oxetivu tácitu ’tain’tra, poro, conquistar Portugal, sinón ocupar a lo menos una parte del país pa qu’una vuelta finalizada la guerra obtuvieren compensaciones por abandonalu. D’esti xeitu aplicó’l plan del inxenieru catalán Gabert p’asaltar Trás-os-Montes con 40.000 homes y facese más tarde cola ciudá de Porto, de gran importancia pa los ingleses. (Queiroz de Martins, 2006)3

El 5 de mayu de 1762 l’exércitu del Marqués de Sarria marchó dende Alcañices hacia Miranda de l Douro al envís d’asediala. Incapaces de maxinar la traxedia que-yos habría’boutvenir, la guarnición portuguesa xunto con un xenteríu llegáu de les aldees abellugóse nel interior de les muries del castiellu. Na tarde del día 8 los coroneles O’Reilly y Flobert unviaron dalgunes tropes llixeres a reconocer la plaza, fincando cañones y disparando fueu de bombarda,’til que finalmente l’últimu de los proyectiles cayó’bout l’almacén onde guardaben más de 250 barriles de pólvora. L’ecu interminable d’un españíu violentísimu retumbó per tol valle del Dueru~Douru, sintiéndose’til l’aldea d’Anfainç, onde acampaba la brigada d’Irlanda. La torre d’homenaxe y les muralles del castiellu valtaren dafechu y baxo esti infiernu cerca de 400 persones perdíen la vida. Un mecigayu de cuerpos quemaos y miembros espedazaos’roundl recintu completaben la escena d’horror. Tres d’ello, el gobernador de Miranda nun tuvo más remediu que rindir la ciudá a la mañana siguiente. L’exércitu franco-castellanu trataría a los mancaos al tiempu que tomará prisioneros a cerca de 1000 milicianos, 100 soldaos y a un par d’inxenieros.4

Planu de la Plaza de Miranda y del so castiellu conforme s’alcontró dempués de valtamientu, 1762 (Fonte: Real Academia de la Historia).

A pesar de qu’otres places como Braga, Chaves o Almeida (en Beira) sedríen tamién sometíes, la táctica franco-castellana nun obtuvo l’éxitu esperáu. Al mandu del Conde de Lippe, los portugueses cuntaben con un exércitu mui inferior (menos de 20.000 homes, ensin malpenes caballería y artillería) y nutríu na so mayoría por efectivos populares, pero conocíen el terrén; practicaron una resistencia acérrime gracies a la guerra de guerrilles y a la política de tierra quemao. (Queiroz de Martins, 2006)5

Al finalizar les hostilidaes los castellanos dexaron Miranda tres un añu d’ocupación, en 1763. Posteriormente la ciudá viviría un periodu de decadencia. Un terciu de la so población morriere, l’actividá económica aparó, munches cases quedaron abandonaes, les puertes de los palacios pesllaron y -por si fore poco- la sede de la diócesis afitada en Miranda dende tiempos de D. Jõao III foi treslladada a Bragança en 1764 por decisión del obispu Aleixo de Miranda Henriques, lo que foi visto como una auténtica traición per parte del pueblu mirandés.6

canvas

Exemplu de milicia portuguesa de 1763 compuesta por efectivos populares, a diferencia de la llamada “tropa arreglada” (Fonte: Brown University Library)

El Nino Jasus de la Cartolica

Una famosa lleenda cuenta qu’atopándose la ciudá ocupada y saquiada polos castellanos, perdida yá toa esperanza, surdió pente les muralles un neñu con traxe de fidalgu aguiyando a los mirandeses pa tomar les armes escontra los invasores. Éstos entainaron a improvisar cualquier arma al alcance; espingardes, navayes, palos, foces… Hasta qu’al final llograron escorrer a los castellanos. Dempués de lliberar la ciudá buscaron al neñu perdayures, ensin fortuna. Los mirandeses xulgaron la fazaña como frutu d’un milagru y que la imaxe espontánea del mozu en cuestión ’tain’tra sinón la del verdaderu neñu Xuasús. Mandaron entós esculpir la figura d’un adolescente vistíu de noble, que colocaron nel altar del Santu Merín de la Catedral de Miranda.

7925722990_0798e5353f_k

Nino Jasus de la Cartolica (Fotografía: Quinta de Corujas)

L’apellíu tan llamaderu del Nino Jasus de la Cartolica (pronúnciese Ninu Xasús de la Cartolica) remanez del diminutivu de la cartola o chistera, un adornu simpáticu amestáu nel sieglu XIX pa identificalu cola clas capitalista, a mou de distinción. La so fiesta celébrase’l Día de Reis (el domingu enantes o dempués del 6 de xineru) na que la so imaxe’tis llevada al llombu por cuatro guaḥes, pos’tis consideráu como’l patrón de los neños.7

Sicasí, esta lleenda nun tien orixe na Guerra del Mirandún, como muncha xente piensa. Naz delles décades atrás a costafecha de la Guerra de Sucesión, momentu nel que los castellanos efectivamente consiguen adueñase de la ciudá, que’tis lliberada un 13 de marzu de 1711, pero non polos sos vecinos, sinón pol exércitu portugués comandáu por D. João Manuel de Noronha (conde d’Atalaia)8, descendiente -por cierto- del llinaxe asturianu de los Noronha (ello’tis, de los Noreña) heriedes al tiempu d’Alfonso Enríquez de les Asturies, quien defendería Xixón del asediu del rei de Castiella nes guerres de secesión de los años 1379-1395. La historia, como vemos, ta enllena de sorpreses y coincidencies.

Fuera d’eso, nes últimes selmanes lleguen noticies de que ciertos estudiantes d’Historia de la Universidad d’Uvieo inauguraron la tradición d’encomendase al Nino Jasus de la Cartolica énte los exámenes, tal vez como una chiscada allegre a esi venceyu ente Miranda y Asturies, o tal vez productu de la desesperación. Asina y too, inda hai xente que creye nos milagros.

kkjkjk

Referencies y bibliografía:

  1. Pires Meirinhos, L. M., 2014, “A evolução da Terra de Miranda: Um estudo com base nos Sistemas de Informação Geográfica”; U.PORTO: 37. URL: http://hdl.handle.net/10216/78276
  2. Queiroz de Martins, A. E., 2006 “Os planos da Guerra Fantástica”; Revista Militar: 2. URL: http://www.revistamilitar.pt/artigopdf.php?art_id=80
  3. Queiroz de Martins, A. E., 2006 “Os planos da Guerra Fantástica”; Revista Militar: 1. URL: http://www.revistamilitar.pt/artigopdf.php?art_id=80
  4. Manso Porto, C., 1999 “Cartografía Histórica portuguesa. Catálogo de manuscritos (siglos XVII-XVIII)”; Real Academia de la Historia: 144. URL: http://www.rah.es/pdf/chp.pdf
  5. Queiroz de Martins, A. E., 2006 “Os planos da Guerra Fantástica”; Revista Militar: 3. URL: http://www.revistamilitar.pt/artigopdf.php?art_id=80
  6. Hermano Saraiva, J., 2000, Horizontes da Memória: “A Guerra do Mirandum”; RTP. URL: https://youtu.be/MZb_Bw4ntrk
  7. Mourinho Rodrigues, A. “A catedral de Miranda do Douro”. Pastoral de Turismo de Bragança. URL: http://ptbm.pt/menino-jesus-da-cartolinha/
  8. Referencia en Bemposta.net del artículu del Jornal Planalto Mirandés. URL: http://www.bemposta.net/historia/miranda/miranda.htm
Advertisements

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s