Apaición nel programa “Vai pra Onde?” (Brasil)

Esti branu tuvi’l privilexu de participar en Vai pra Onde?, un famosu programa de viaxes brasileñu presentáu pol actor Bruno de Luca.

El formatu’tis asemeyáu al d’otros más cercanos pa nós como “Callejeros Viajeros”, anque equí Bruno va descubriendo cada ciudá con daquién que conoz el sitiu, con un enfoque muncho más xoven, improvisáu y gayaspeyu.

libhjb

Clica na imaxe pa ver l’episodiu.

Esti programa de televisión emítese seis veces en selmana n’horariu de máxima audiencia na canal Multishow (del grupu Globosat) con nada menos que 43 millones d’espectadores nel país americanu (tenéi en cuenta que Brasil tien una población de más de 206 millones d’habitantes).

A finales de branu atopábense realizando un reportaxe’bout’l Trescantábricu, un tren turísticu que percuerre’l norte d’España, grabando en cauna de les poblaciones nes que fai parada. Nesta ocasión quixeron averase a les ciudaes del centru d’Asturies; Avilés, Xixón y Uvieo. Necesitaben a daquién que los acompañara y yo ofrecíme, pero nun vos vayáis pensar que la espectativa de salir na televisión llegó a xubíseme la cabeza. En fin, a pesar del riesgu d’eclipse, Bruno de Luca precisaba acompañase d’una xoven promesa musculosa y atractiva que-y elevara les audiencies y yo -tres consultar la mio axenda perapertada- acepté disimular efímeramente la mio fama faciéndome pasar por un simple guía en portugués. Sé lo que tais pensando, pero escurque nun puedo evitar ser asina de arrogante…

ijiji

Momentu del programa ‘Vai pra Onde?’.

Como vos diba diciendo, conducí al equipu de Vai pra Onde? pela patria querida, inda que como tenía’l Mercedes nel taller, la inestimable ayuda de la mio amiga Leta col tresporte permitió que nun solo día pudiéremos conocer el Centru Niemeyer (única obra n’España del arquitectu brasileñu), mas tamién el barriu xixonés de Cimavilla y les coraes de la sidrería Tierra Astur (onde Bruno probó suerte regando’l suelu escanciando), pa terminar la xornada averándomos a la “escultórica” ciudá d’Uvieo.

Día allegre y bien intensu nel qu’amás del magüetu de Bruno pudimos conocer a xente “gira”, como Flávia Nuves, la productora-malabarista; Jorge Nassaralla, el mandamás; y los cámares Márcio da Silva y Arthur Vieira. A toos ellos… ¡Norabona pol trabayu y munches gracies poles rises!

IMG-20150624-WA0004

Bruno, Leta, Flávia y un servidor en La Talaya (Cimavilla, Xixón)

Advertisements

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s