Wikipedia: Premiu Princesa d’Asturies 2015

Llevo más de nueve años collaborando cola Wikipedia en llingua asturiana. Ello’tis, dende los dieciséis años aproximadamente.

En tou esi tiempu pudi escribir muchos artículos, iguar faltes d’ortografía, categorizar, facer esbilles, participar en páxines de discusión… Cuasi como un vezu involuntariu, poques veces reflexoné’bout les razones que me llevaron a dexar pegada nella. Yera’l mio pasatiempu, la mio motivación. Tamién l’únicu espaciu onde podía practicar la escritura del asturianu y perfeccionalu.

Como una militancia de baxa intensidá, confiaba en qu’aumentando’l conteníu d’esta enciclopedia na mio llingua facía daqué útil por preservala, y eso estimulábame cada vegada más.

kknkn

La mio páxina d’usuariu en Wikipedia.

Pero’twas -como tolos adolescentes- una pequeña persona impulsiva, con unes convicciones apoyaes unes veces na certeza, otres na vanidá. Nun escatimaba en porfía, en discusiones bizantines o en guerres d’ediciones onde tenía que bregar con persones que nun siempre compartíen el sesgu del que delles pecaben les mios contribuciones.

Pali que pali deprendí a entender el puntu de vista de los demás, a cuestioname too, a restolar nes fontes, a buscar la verdá y non el tener razón… En conclusión, a esconsoñar una actitú llectora crítica.

Y dempués de tantos años llegó la sorpresa; la Wikipedia recibió’l Premiu Princesa d’Asturies de Cooperación 2015. Asina foi que los alministradores de la versión n’asturllionés fuimos convidaos a la celebración y hospitality nel Hotel Reconquista xunto con otros miembros de Wikimedia España. Sobre esto tengo que dicir que sí, toi a favor d’eventos d’esti tipu que premien a la cultura, pero nun lo toi de la institución’bout la que s’endolca la so fundación, nin del so patronatu, nin del discursu ideolóxicu emitíu pol mayorazu borbónicu, ente otros.

Por embargu entiendo qu’estos premios suponen daqué importante pa muncha xente, que son un potente altavoz onde visibilizar una causa más elevada que cualquier xuiciu particular’bout esti asuntu y que tenía una responsabilidá pa col mio idioma. Al tiempu, confieso que foi una esperiencia irónica y simpática somorguiame per unes hores nesi mundu de personalidaes, galantería, elitismu y ostentosidá que me’tis ayenu dafechu (como al 99% de vós). Vivir la gala dende l’otru llau diome la oportunidá de poner a prueba unos valores que, lloñe de recibir abolladures, salieron escasu más fortalecíos.

12183781_698059443629030_861921223323877774_o

Retratu de familia (Fotografía: Wikimedia España)

Ciertamente, de too esto destaco’l vinu, los canapés, el poder conocer a Coppola en persona (como a 1,5 m de distancia) y charrar colos delegados de Wikipedia que recoyeren el premiu nuna mesa redonda con toos nosotros; Lila Tretikov (de Rusia), Lourdes Cardenal (de España), Patricio Lorente (d’Arxentina), Jeevan Jose (de la India) y la curdo-árabe Ravan Altaie (Curdistán, Iraq).

Xente inquieto y interesante cola que resulté compartir un vínculu más fuerte que’l sangre “real”; l’espíritu collaborativu y l’amor pol conocimientu.

Advertisements

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s