O Mazonovo: conoz el mayor muséu de molinos d’Europa

El conceyu de Taramunde1 xuega al esconderite. Escabúllesemos ente A Serra d’Ouroso y los montes d’Eiros, tupíos pola solombra d’una viesca autóctona güei daqué asediada polos ocalitos.

Tamos nos confines del occidente d’Asturies, más allá d’A Garda un cartel marca una frontera qu’hai un tiempu pensábemos tener cruciao. L’agua marmúllamos en “a fala” (el gallegu d’Asturies); O Rego das Mestas, O Rego do Inferno, O Rego da Salgueira, O Río Turía… Pura poesía. Chiscando, retumba’l so ecu mudu en decenes de molinos fariñeros, fragües de fierro (mazos) o batanes pa tratar los texíos. Too mos fala d’un tiempu nel que’l so xorrecimientu per tola “comarca” del Eo-Navia dio nome a la xeografía. Asina’tis que tenemos El Mazonovo en Bual, El Mazonovo de Santalla d’Ozcos y el que mos toca; O Mazonovo de Taramunde.

kjhkhv

Muséu de los Molinos d’O Mazonovo (Fotografía: Denis Soria)

La singularidá d’esti molín’tis que tien un orixe indianu. Nel añu 1899 Manuel López-Cancelos regresa a Taramunde tres probar fortuna n’Arxentina y decide instalar un molín de maquila a orielles del ríu Cabreira. El so allugamientu’twas ideal, al llau de la capital del conceyu y nel camín de confluyencia de varies aldees cercanes. En 1921 les sos cuatro mueles yá nun daben abastu pa procesar tol cereal, polo que deciden añader otres dos. En 1929 lleguen a instalar una dinamu col oxetivu de lletrificar les poblaciones de Taramunde, A Veiga de Llan y Nogueira, pero tres cuasi cien años moliendo’l trigu, el maíz y el centén del conceyu cesó la so actividá a principios de los años noventa. Finalmente, en 1998 los nietos de Manuel acuerden rehabilitar el conxuntu p’acondicionalu como espaciu museográficu, convirtiéndolu d’esti xeitu nel Muséu de los Molinos d’O Mazonovo.

kvkhv

L’agua faciendo xirar el rodeñu (Fotografía: Denis Soria)

Anque realizar una visita con un guía oficial’tis siempre lo más recomendable, O Mazonovo’tis un muséu abondo interactivu. Tirando d’una palanca, el visitante pue accionar por sigo mesmu los mecanismos que faen rotar les ruedes, los rodeños, los árboles y les mueles. Asina, un gran chorru d’agua surde violentamente emburriando un engrane con delles pieces que cobren vida con una lóxica máxica, como si fore un xigante de madera.

jfjytc

Rueda y banzao (Fotografía: Denis Soria)

Tradicionalmente’l molín o moliño pertenecía a un propietariu, y a ésti acudíen los llabradores a moler el cereal pa obtener la fariña cola qu’amasar el pan. Polo xeneral nun se pagaba con dineru, sinón que’l molineru quedaba con una parte de lo que procesaba; la maquila. Pero claro, siempre habría dalgún que maquilara más de la cuenta, d’ehí qu’heba tantu cancioneru y refraneru tradicional onde’l molineru nun siempre salía precisamente bien paráu.

A moliñeira taba de parto

e o moliñeiro nun tiña un cuarto.

A moliñeira votou a parir

e o moliñeiro votou a fuxir.

Cien xastres, cien molineros y cien texedores, son trescientos lladrones.

lkjnlknj

Saltu nel ríu Cabreira (Fotografía: Denis Soria)

El percorríu continúa’til un saltu d’agua artificial bien guapu creáu pa reconducir l’agua del ríu Cabreira hacia les aceñes, anque na sienda toparémonos con un molín asiáticu y un monjolo brasileñu ufriéndomos un poco de contestu na evolución d’estos inxenios a lo llargo del tiempu y l’espaciu.

IMG_7441

Carlos López-Cancelos, propietariu del muséu (Fotografía: Denis Soria)

La so variedá y bayura de pieces (alredor de 19) conviértenlu nel mayor muséu de molinos d’Europa. «Tenemos cerca de 30.000 visitantes a lo llargo del añu» esplica Carlos López-Cancelo, descendiente d’una saga de molineros dende hai cuatro xeneraciones y actual dueñu del muséu,’tis amás nietu del mesmu Manuel López-Cancelo. «El turismu español sigue siendo’l principal, magar que tamién llogramos captar el francés o l’alemán en menor midida». El caltenimientu d’O Mazonovo susténtase cuasi dafechu na venta d’entraes y -de xemes en cuando- nel suministru del escedente llétricu a la rede de distribución llocal, polo que siempre tán buscando la manera d’atrayer más visites. «Sacamos un proxectu pa llamar l’atención d’aquellos pelegrinos que quieran facer della parada nel camín de regresu». Esta inquietú por crecer y ameyorar’tis lo que lo fai verdaderamente atractivu al conxuntu. Y’tis que «O Mazonovo ta na primer posición de TripAdvisor d’ente tolos museos d’Asturies» sorraya.

IMGhhh_7441

Museo de los Molinos de O Mazonovo (Fotografía: Denis Soria)

Otra baza del muséu’tis’l so valir didácticu. Dende hai tiempu trabayen con varios colexos pa poner en valir estos elementos etnográficos tamién ente les nueves xeneraciones y tresmitir nos rapazos l’amor al pasáu. Toos tienen oportunidá de ver, deprender y esperimentar, y si superen una pequeña prueba escrita pueden recibir ¡nada menos qu’un diploma de molineru! Anque bono val, tengo que confesar que yo fixi della trampa…

ljhglb

Muséu de los Molinos d’O Mazonovo (Fotografía: Denis Soria)

¿Cómo llegar?

Dende Castropol’til A Veiga pela N-640 (N-642 nel casu de partir dende Ribadeo) y llueu a Taramunde pela AS-21. Na parte sur del pueblu de Taramunde apaez indicáu’l muséu, cuntando con aparcadoriu de vehículos.

Horarios

Del 1 de marzu al 30 de xunu y del 1 d’ochobre al 12 d’avientu.

· 10:30 a 13:30 | 14:30 a 17:00 – Fines de selmana y festivos

Del 1 de xunetu al 30 d’agostu

· 10:30 a 13:30 | 14:30 a 19:00 – Tolos díes

Del 1 de setiembre al 30 de setiembre

· 10:30 a 13:30 | 14:30 a 17:30 – Tolos díes

Tarifes

Entrada individual

· Mayores de 10 años…………………….. 3,90€

· Menores de 10 años…………………….  1,50 €

Grupos

· Normal (mínimu 17 persones)…………… 2,90€

· Escolares…………………………………… 1,50€

(2,90€ ente’l 1 de xunetu y el 30 de setiembre)

MAZANA

1 Dalgús datos da toponimia del occidente d’Asturias (Xosé Miguel Suárez, 1998)

Advertisements

One response to “O Mazonovo: conoz el mayor muséu de molinos d’Europa

  1. Pingback: O Mazonovo: conoce el mayor museo de molinos de Europa | APIT ASTURIAS·

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s