Cabreira II: nomes que cuenten

Sabíemos que Cabreira’twas una comarca que mos reservaba munches coses por conocer, pero nun pudimos maxinar la gran noticia qu’anunciaba la prensa esti sábadu; que’l conceyu de Trueitas (Cabreira alta) vien de recuperar los nomes tradicionales de los sos pueblos. Munchos d’ellos, de fechu, figuren yá nos lletreros d’entrada y salida de les poblaciones. Foi una asociación cultural dedicada ente otres munches coses a recopilar la toponimia asturllionesa, El Teixu, la responsable de tutelar y asesorar a dichu conceyu nesti pasu valiente y históricu en Llión.

IMG-20150725-WA0006

Francisco Simón, alcalde de Trueitas, al llau d’una de les nueves señales (Fonte: El Cabreirés.com)

Esta iniciativa afecta a seis de les trece poblaciones del conceyu de Trueitas onde la toponimia tradicional’twas diferente a la oficial; Vayellu, Quintaniella, Trueitas, Truitiellas, Valdaviéu y Villarinu. Posiblemete dalgunos cabreireses nun-y darán mayor importancia, al fin y al cabu lleven tola vida usando estos nomes y esti pequeñu xestu, escribilos nunos simples lletreros, nun tien la mayor relevancia pa los turistes. Pero nun mos engañar, los visitantes non solo valoren la existencia de patrimoniu, sinón el nivel de conservación y el grau de consideración que se fai d’elli. Ya podremos cuntar col meyor exemplu d’arquitectura prerrománica n’Europa o los castiellos medievales más espectaculares, de nada sirve si lo dexamos cayer o si les nueses alministraciones malpenes lo divulguen o ponen en valir. Col patrimoniu llingüísticu asocede lo mesmo, sumando amás la so condición inherente de recursu inmaterial, que fai que la so visibilización seya tan importante . N’otres pallabres, que tengamos que facelo tanxible.

Pero más allá del efectu seductor’bout’l turismu, esto tien una trescendencia nun planu muncho más íntimu y personal. Dignificar estos nomes’tis tamién dignificar a la xente que los usa, a eses persones heriedes d’una llingua pervaliosa, l’asturllionés, y qu’inesplicablemente foron humildaes y avergonzaes por ello en dalgún momentu de la so vida. Sí, d’igual mena, tou procesu de recuperación llingüística supón recuperar l’autoesima como sociedá.

11731702_754151281360846_4709226941196704994_o

Panel direccional a Truitiellas (Fonte: Asociación Cultural de Truchillas)

Estos nomes cuenten, y estos nomes tamién mos cuenten. Unos falen d’époques mítiques, d’aquelles divinidaes ástures como nel casu del Picu Talenu (del dios Tilenus) o de les sos castros, como Castriellu (de CASTRUM+ULUS, pequeña fortaleza). Otros son más humildinos y falen de les coses cotidianes, del entornu natural y humanu, como Ñogare (de NUCARIA, nozal), Ñoceda (nozalera, viesca de nozales), Llousada (en referencia a les característiques llousas d’esa pizarra que tanto abonda na comarca y que cubren los teyaos de les cases), Vayellu (quiciás del llatín VADUM + ULUS, vau pequeñu), Llamas (como un sitiu de llama o llodu) o la propia Trueitas (en referencia a les truches, las trueitas). ¿Y qué me dicís del Morredeiru? Esi monte estráu de nieve que la primavera fundía y dexaba ver los calabres de los pelegrinos que se desorientaben faciendo’l Camín de Santiago… La toponimia’tis una conexón máxica con otros tiempos, esperemos qu’esta iniciativa esporpolle n’otros conceyos de Llión.

Asina que yá lo sabéis, agora tenéis un motivu más pa visitar Cabreira.

19834920678_c42e75e3d5_z

La simpatía de persones como Herminio, vecín de Ñoceda de 84 años, conserva la llingua y la toponimia cabreireses contra l’escaezu (Fotografía: Denis Soria)

Advertisements

7 responses to “Cabreira II: nomes que cuenten

  1. Un valleyu’tis una vallina pindia con’tisrba… na toponimia montuna… asina que per ehí andará. La verdá’tis que la noticia’tis bien prestosa… y lo que más’tis a sorprendeme… tien un tastu en tolos periódicos como mui positivu. si fuera Asturies… ya llegaría la Nueva Engaña a desprestixar y demás… mierda de pais

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s