Uvieo vieyu III: La Catedral de San Salvador

Ensin más demora continuamos el paséu hacia la Plaza d’Alfonsu II “El Castu”, o Plaza de la Catedral, onde a la fuercia mos veremos sorprendíos polo sublime de la postal de la sede, si bien veníemos alvirtiendo cais atrás la verticalidá de la so torre, que s’alzaba gloriosa ente los demás edificios p’apregonamos la so guapura monumental con una vanidá qu’agora vemos xustificada.

Catedral de San Salvador (Fotografía: Denis Soria)

L’orixe de la Catedral de San Salvador alcuéntrase nuna basílica contigua a un conxuntu palaciegu mandada construyir pol rei Alfonsu II’bout’l templu que Fruela I llevantara nel 765, pero que les algaraes del emir cordobés Hixem I valtaren nuna de les sos ofensives nel añu 794. La consagración a San Salvador féchase nel 13 d’ochobre del 821, si bien ésta y el restu de construcciones acabaron por ser absorbíes nes ampliaciones posteriores.

D’aquellos edificios prerrománicos solo conservamos güei la cabecera de la Ilesia de San Tiso, La Torre Vieya de Samiguel, y la qu’actualmente se conoz como la Cámara Santa, una capiella rexa onde los monarques asturianos guardaben el tesoru real xunto con otres reliquies.

Lo qu’asocedió cola catedral prerrománica foi qu’al final se decidió derribala pa construyir otra más grande que pudiera acoyer la inmensa cantidá de pelegrinos que veníen a visitar Uvieo n’aquel tiempu. Nel 1300 tenemos constancia de que les obres taben yá entamaes, pero nun conocemos nin l’arquitectu nin la fecha de construcción.

Admirándola a simple vista vemos que n’efecto hai daqué que-y falta; una torre.

2015-07-17_05-36-39

Ximielga solitaria (Fotografía: Rubén Pérez Eugercios)

Calma, que ’tain’t que la robaren. L’obispu Gutierre de Toledo da l’impulsu definitivu cola construcción de la catedral gótica nel añu 1382 y’til mediaos del sieglu XVI nun la dan por terminada. Otramanera, en tou esi tiempu tamién hai grandes crisis -como esta que mos toca- polo que les obres avancen mui lento nos primeros años por falta de fondos, fechu qu’obligó al cabildu a empeñar delles xoyes del tesoru catedraliciu y vender insignies (merchanising) a los pelegrinos. Cuando tienen que llevantar les dos torres proyectaes por Juan de Badajoz ven que nun-yos llega’l presupuestu. Resuélvese entós facer solo una, pero monumental, un auténticu abrazu al cielu con 73 m d’altura.

Pero de la que terminen de construyila en 1551 caye un rayu y tira una parte en 1575. Encárgase la so reconstrucción a Rodrigo Gil de Hontañón, d’ehí esi remate final con un fustaxe muncho más renacentista. Amás asienten na base una capiella dedicada a Santa Bárbola, patrona de les tormentes, pa por si acasu…

Llamentablemente esto nun la llibró del fueu d’artillería na Guerra Civil. En 1937 los republicanos que cercaben la capital llanzaron más de 160 cañonazos contra les posiciones nacionalistes apostaes na torre esmochando’l pináculu, restauráu con posterioridá en 1953. Equí repica, por cierto, la campana más antigua del mundu en funcionamientu; «Wamba» fundida en 1219.

Como la mayor parte de les catedrales gótiques, el cuerpu de San Salvador’tis de planta llatina y tien una cabecera pentagonal con triforiu y un deambulatoriu con cinco capielles consagraes a discípulos, obra de Juan de Naveda. Asina mesmo consta de trés naves; una central soresaliente en tamañu y altura (20 m) y dos llaterales con capielles ente los contrafuertes cubiertes por crucería simple, al igual que los brazos del cruceru. La nave central y les naves del transeptu poseyen bóvedes estrellaes, mientres que la estaya central d’ésti cúbrese por una bóveda de terceletes. Los pilares fasciculaos que sostienen estes bóvedes van creando unes arqueríes de separación ente les naves nuna primer altura, que queden superaos por una llinia de vanos (triforiu) formada por pareyes de ventanes de mediu puntu con columnes y petriles de tracería gótica. Les vidreres del claristoriu son obra del mayestru burgalés Santillana en 1508.

trsdfg

Tresfiguración de Xesús (Fotografía: Denis Soria)

Xuan de Candamu trabayó per 30 años nesti interior,’boutmanera nel transeptu, llegándose a enterrar na propia catedral. Nesta etapa, de magar el sieglu XIV-XV asocédense una serie d’arquitectos (Nicolás de Bar, Nicolás de Bruxeles, Bartolomé de Solórzano…), anque’tis Juan de Badajoz quien diseña les torres y la fachada porticada. Esta última fórmenla trés arcos d’entrada a cauna les naves de diferentes tamaños con puertes de madera de nozal del sieglu XVIII. La de la izquierda conságrase a la mártir Santa Olaya de Mérida, la de la derecha a Santa Bárbola y la central a San Salvador. El pórticu góticu’tis de mayor tamañu, anque llama l’atención que los nichos del so mainel y de les sos arquivoltes nun tengan una sola figura o talla, nuevamente problemes de presupuestu. Enriba de too ello atopamos unos medayones onde apaecen el neñu Xesús xunto col neñu San Xuan y un relieve que representa la Tresfiguración de Xesús más los bustos de Fruela I y Alfonsu II El Castu. Ésti pórticu cúbrese por una bóveda de cáscara nervada.

Tamién se llevanten dos construcciones lligaes a la catedral que veremos n’otra entrada, como son; la Sala Capitular y el Claustru.

Quien va a Santiago y non al Salvador…

De toles capielles llaterales, unes gótiques y otres renacentistes,’tis pernotable pero non mui conocida la de Nuesa Señora del Rei Castu (reedificada en 1712) por acoyer el Panteón de los Reis d’Asturies. Tán enterraos equí ocho monarques de la dinastía asturllionesa xunto coles sos esposes.

vista-interior-1_Retablo

Retablu Mayor (Fotografía: Catedral de San Salvador d’Uvieo)

Otru elementu’boutsaliente del so interior’tis, ensin dulda, el Retablu Mayor. Ye’l terceru n’importancia nel so estilu góticu hispano-flamencu, dempués del de Sevilla y el de Toledo. Escomiénzase nel 1511 y’til 1531 intervienen nelli importantes artistes de la época como son Xiralte de Bruxeles o Juan de Balmaseda. Esta gran talla de madera policromao rellata les escenes más importantes de la vida y milagros de Xesús. Fixarémonos na que narra’l so primer milagru cola tresformación del agua en vinu en seis grandes hidries (cañaes) nes bodes de Caná. Equí namás apaecen cinco, un guiñar del autor,’cause la sesta tenémosla nun nichu de la catedral. Trátase d’una de les dos -supuestes- qu’existen nel mundu, pos la so ximielga ta espuesta en Xerusalén. Amuésase al públicu cada 21 de setiembre, festividá de San Mateo, enllénandola con 100 llitros d’agua bendito de la que los fieles pueden beber.

Al ser Uvieo un reductu cristianu dientro d’una Península dominada pol Islam lleguen equí bien d’estes reliquies sacres dende munchos templos hispanos, lo que fai que seya tamién conocida como Sancta Ovetensis. D’acuerdu cola tradición llega dende Toledo por orde d’Afonsu II un arca sellada de madera de carbayu que s’escuende cerca de 80 años nuna cueva del monte La Madalena, Morcín (oteru al que suelen llamar incorrectamente Monsacro). Nel añu 1075 Alfonsu VI de Llión acude a la capital asturiana acompañáu por una comitiva qu’abre l’Arca Santa nel so honor. Nel acta d’apertura, que tovía se conserva, afírmase que nel so interior atopen una suela d’una sandalia de San Pedru y l’importantísimu Santu Sudariu.

15548182560_339cb10ae9_b

Publicidá’bout San Salvador y la Puerta de la Perdonanza (Fonte: Where is Asturias?)

A partir del so «descubrimientu» entama a haber una corriente perintensa de pelegrinos, dao que los que normalmente s’empobinaben a Santiago pel Camín Francés (Meseta norte) emprincipien a esviar la so ruta pa venir a venerar esta reliquia. Estos pelegrinos entren per una puerta llateral, la Puerta de la Perdonanza, llamada asina’cause a tou pelegrín qu’entre per ella y se postre baxo la Estatua Románica de San Salvador ente los díes 14 y 21 de setiembre concédese-y indulxencia plena. Ello’tis qu’ente los viaxeros medievales empieza a circular’til güei aquel dichu de «quien va a Santiago y non a Salvador, visita al siervu y dexa al Señor».

Falando de reis, si tenemos ocasión podemos volver afuera para visitar el Xardín de los Reis Caudillos, inauguráu en 1942 coincidiendo cola restauración de la Cámara Santa. Trátase d’un conxuntu escultóricu onde tán representaos los doce reis asturianos, dende Pelayu a Alfonsu III, con obres de Laviada, Gerardo Zaragoza o Víctor Hevia. Puede contemplase dende l’enrexáu del esterior, anque ta prevista la so apertura al públicu de 11.00 a 13.00 hores ente selmana y de 9.30 a 11.00 los domingos.

La Cámara Santa

Dientro del recintu de la catedral solo conservamos dos estructures anteriores al góticu, antiguos restos del conxuntu palaciegu d’Alfonsu II; La Torre Vieya y la Cámara Santa (una sola construcción formada pola Capiella de Samiguel y la Cripta de Leocadia).

camara_santa_catedral_salvador_oviedo_ccaa.jpg_1306973099

Interior de la Cámara Santa (Fonte: España es Cultura)

La Capiella de Samiguel o de Les Reliquies alcuéntrase nel pisu superior, al que s’accede pel brazu derechu del cruceru. La nave tenía una cubierta de madera sustituyida por una bóveda de cañón nel s.XII. Presenta arcos torales que descansen’bout una serie de seis estatues a mou de columnes dobles representando a los apóstoles, donación del rei Alfonsu IV, al tiempu que los sos capiteles encarnen escenes del Nuevu Testamentu. El presbiteriu -con bóveda de cañón orixinal- ta separtáu por una celda na que se guarden les reliquies, ente elles: la Cruz de la Victoria, la Cruz de los Ánxelos, la Caxa de les Ágates, l’Arca Santa o’l Santu Sudariu, tela que según la tradición endolcó’l calabre de Cristu y que popularmente’tis conocíu como El Pañolón.

CRUZ-DE-LA-VICTORIA-793489

Cruz de la Victoria (Fonte: Interstela)

La Cripta de Leocricia, nel pisu inferior,’tis resultáu del viaxe del sacerdote Dulcidiu a Córdoba nel 883 en calidá d’embaxador por Alfonsu III pa treslladar a Asturies los restos de los mártires cristianos Euloxu y Leocadia, decapitaos pol emir Muhammad I. Trátase d’una nave cubierta por bóveda de cañón con un arranque a nivel de basamentu y allumada de forma tenue por cuatro ballesteres o troneres. Nel suelu alcontraremos d’igual mena dos llábanes funeraries de decoración vexetal colos restos de los santos.

uddugg

Torre Vieya de Samiguel (Fotografía: Denis Soria)

Pa protexer les ayalgues de les frecuentes incursiones viquingues Alfonsu III promueve la construcción d’una torre defensiva malpenes ensin ventanes ente los años 884-885 d.C., La Torre Vieya de Samiguel. A finales del sieglu XI amiéstase-y un cuerpu románicu a mou de campanariu con ocho arcos de mediu puntu con capiteles vexetales. Éstos posen’bout una bóveda de claustru cruzada por dos arcos torales qu’asomen pel esterior en forma de ménsules decoraes con canzorros zoomorfos. Por desgracia esta torre nun pudo protexeles de la voladura de la Cámara Santa na Revolución d’Ochobre de 1934, reconstruyida años más tarde. Nin tampoco del robu de les reliquies en 1977 -de lo más subrrealista- per parte d’un “quinqui” (José Domínguez Saavedra), quien les esguazó inorando de xuru’l valir de lo qu’afanara. Les reliquies en cuestión entardaron un mes en ser recuperaes y varios años en ser restauraes.

2015-07-17_05-37-07

Horizonte de Vetusta (Fotografía: Rubén Pérez Eugercios)

This slideshow requires JavaScript.

Advertisements

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s