Uvieo vieyu II: Plaza Porlier

Dende La Escandalera caminaremos pela Cai San Francisco, magar que reprimiéndomos les ganes d’entrar a conocer l’edificiu de la Universidá que dexaremos a mano derecha, ya qu’ésti conformará la última etapa del nuesu paséu pel Uvieo vieyu.

Plaza Porlier (Fotografía: Emilio Rodríguez Álvarez)

Aportamos entós a la Plaza Porlier, bautizada n’honor del xeneral lliberal Juan Díaz Porlier (el Marquesín), que de batallar heroicamente a los franceses na invasión napoleónica acabó colgando de la forqueta absolutista en 1815 pola so tentativa de restaurar la Constitución de 1812 na ciudá d’A Coruña. Antes de 1920 esti llugar recibía’l nome d’El Campu la Fortaleza en referencia al castiellu construyíu por Alfonsu III el Magnu nuna de les esquines de la muralla. Nel correr de los sieglos sufrió destrucciones y reconstrucciones, dando techu al arsenal de la ciudá y más tarde a la cárcel masculina de magar 1818. Finalmente sedría valtada en 1925 pa llevantar, dos años dempués, l’Edificiu de la Telefónica (güei Movistar) de la mano clasicista del arquitectu Jesús Álvarez de Meana.

el viaxeru

El Viaxeru (Fotografía: Denis Soria)

Mui en sintonía cola intemporalidá de la plaza alcuéntrase la escultura llamada “El regreso de Williams B. Arrensber”, que representa a un home afatáu con sombreru y gabardina arrodiáu pol so bagaxe, razón pola que los carbayones lu conocen simplemente como “El Viaxeru”. Ye una obra en bronce realizada por Eduardo Úrculo en 1993 nel que retrata al escritor norteamericanu Williams B. Arrensberg, amigu del escultor.

torenu

Palaciu de Torenu (Fotografía: Denis Soria)

Al sur de la plaza alcuéntrase’l Palaciu de Torenu. De dos altures, con cinco ballesteres y ventanes nel baxu más seis balcones nel pisu superior xunto con una portada de dos solumnes coronaes por escudos, ente los que ta’l de los primeros propietarios (la casa Maeza-Doriga). Éstos encargaron la so construcción al mayestru Gregorio de la Roza mientres los años 1673 y 1675, quien calistró l’edificiu d’un estilu barrocu pero malapenes ornamentáu. Los enllaces matrimoniales ente families a finales del s.XVII faen que la propiedá pase a pertenecer al Mayorazu de los Condes de Torenu. D’esti xeitu, foi llugar de nacimientu del famosu políticu y historiador Xose María Queipo de Llano (1786-1843), coautor de la Constitución de 1812 y Ministru de Facienda en 1834. Anguaño’tis’l llar del Real Institutu d’Estudios Asturianos (RIDEA), entidá dependiente del gobiernu asturianu fundada en 1945 encargada del estudiu y la investigación de tolo rellacionao cola ciencia, la cultura y el patrimoniu específicos del Principáu d’Asturies. Ta declaráu Monumentu Histórico-Artísticu.

utkfiuyfdik

Palaciu de Campusagráu (Fotografía: Denis Soria)

Otra de les casones qu’acuten Porlier’tis la del Palaciu de Campusagráu, d’un fustaxe más compactu. Llevantólu Xose Manuel Bernaldo de Quirós (III Marqués de Campu Sagráu) descendiente d’un llinaxe orixinariu de la comarca llionesa de Ḷḷuna. Nelli inervinieron arquitectos como Pedro Fernández Lorenzana o Domingo Suárez. Escomienza a construyise en 1728 pol arquitectu Francisco de la Riva acabando la obra Pedro Antonio Mendéndez de Ambás en 1757, d’ehí l’estilu más puramente barrocu de la primer planta (oreyes molduraes, semicolumnes estriaes, ventanes aveneraes) y neoclasicista de la segunda (balcones llaterales austeros, pilastres xóniques y frontones de llinies mestes). De la so cubierta destaca l’aleru de madera (procedente la orixinal de la carbayera de Llamaquique) con trés files de canzorros molduraos y el remate en frontón curvu. L’interior tien un patiu central de doce columnes toscanes y arcos apainelaos. Amás foi de los pocos edificios del sieglu XVIII con agua corriente (d’una paya d’agua), que los propietarios consiguieron en recompensa poles sos donaciones de terrenos a la ciudá. Posteriormente foi adquiríu pol Conceyu d’Uvieo en 1861 pa instalar la sede de la Real Audiencia y actualmente acueye les dependencies del Tribunal Superior de Xusticia d’Asturies. El so interior foi calcináu na Revolución d’Ochobre de 1934 cuando los mineros prendieron fueu al edificiu tres l’asaltu. Foi declaráu Monumentu Histórico-Artísticu en 1943 dempués de la restauración d’Enríquez Rodríguez Bustelo.

wreey

Edificiu del BBVA, Plaza Porlier (Fotografía: Denis Soria)

Paga la pena echar un güeyín a otros edificios de la plaza, talos como’l Bancu de Bilbao (diseñu ecléctico-modernista de Juan Miguel de la Guardia en 1903 pal entós Bancu d’Asturies) y la fachada verde del Teatru Filarmónica, abiertu en 1944 nos años de l’autarquía col criteriu clasicista de Ramón González Villamil, sede güei de la Sociedá Filarmónica d’Uvieo (creada en 1907).

Teatru Filarmónica (Fotografía: Denis Soria)

Teatru Filarmónica (Fotografía: Denis Soria)

This slideshow requires JavaScript.

Advertisements

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s