Xornaes de Formación d’A.P.I.T. en Llanera

El pasáu 14 de febreru tuvo llugar la segunda sesión de les Xornaes de Formación de Guíes Turísticos organizaes pola Asociación Profesional de Informadores Turísticos de Asturias (A.P.I.T). Esta vuelta fuimos’til Llanera, onde’l grupu de “apininos” concentrábamonos baxo la estupenda bóveda de cañón d’uralita de la estación de Llugo pa dir más tarde’til la ilesia de Santiago d’Arlós, ya que’l cutu y la lluvia decidió acompañanos el restu del día.

Puerta oeste de Santiago d'Arlós.

Puerta oeste de Santiago d’Arlós.

La visita tuvo dirixida por Berto, miembru de l’asociación y guía del conceyu, qu’amás del so pasáu como molacín tuvo oportunidá de cuntamos otres coses de la ilesia de Santiago d’Arlós, de la que pudiemos contemplar l’interior gracies a -too hai que dicilo- Maruja de Ca El Roxu, quien s’encarga de guardar les llaves del templu. Trátase d’una ilesia declarada Bien d’Interés Cultural de pequeñes dimensiones, pero con un desenrollu iconográficu mui curiosu a pesar de ser un santuariu rural.

Allúgase nuna llomba en metá d’una campa mui amplia que mira al oeste cara la elevación más alta de Llanera; El Gorfolí (623 m), topónimu col que se suel llamar incorrectamente al Picu Taborneda (Illas), anque seguramente reciba otros nomes. El Camín Francés que pasa pela so rodiada esplica l’advocación a Santiago, pese a que se desconoza la so fecha de construcción. Tolo que tenemos’tis un documentu de donación datáu nel 13 d’abril de 1151 que fixo l’obispu Martín al monesteriu de San Vicente d’Uviéu. Ello’tis la razón de la so rellación col románicu uvieín, presentando una iconografía que recuerda a esi estilu de los templos carbayones, lo qu’asitia a la capital asturiana como un centru de poder difusor de tendencies artístiques.

Berto esplicando'l pórticu románicu.

Berto esplicando’l pórticu románicu.

Ta mui adulterada poles distintes reformes, a saber; ampliación de la nave en 1887; en 1895 paviméntase’l suelu la ilesia y en 1902 amiéstase una sacristía na muria sur. La última obra d’importancia tuvo llugar en 1999 cuando se valtó la muria oeste que tapecía’l pórticu románicu y s’iguó un problema cola humedá na muria norte, separtándose los nichos adegaños del cementeriu. Anguaño alcuéntrase de nuevo en procesu de reforma, na que con seguranza descubriráse’l techu de madera y se dexará desnudu’l paramentu del interior, arriendes d’encuriosar la zona de la tribuna.

El pórticu, un arcu toral que da pasu al altar (cubiertu ésti por una bóveda de cañón orixinal) y una ventana absidial son los puntos onde s’afayen los más de los elementos románicos con munchu detallismu; caballeros con aves, lleones afrontaos devorando una sierpe, plumbes y aves qu’evoquen al mundu de la eucaristía, llinies d’imposta con forma de diamantes, dientes de sierra, arquivoltes axedrezaes, carneros, etc. D’igual mena caltién entá parte de los canzorros orixinales perdíos mientres la reforma de 1887 que representen cares barbaes.

Cabecera de Santiago d'Arlós.

Vista del ábside de Santiago d’Arlós.

Nel altar alcontramos un retablu fechu de madera de castañal, posterior a la guerra civil y un arcón con trés zarradures onde se guarden los documentos llitúrxicos. Llama l’atención que la piedra emplegao seya caliza roxo trayío d’una cantera xixonesa. Per otra parte la espadaña’tis del sieglu XVII-XVIII y por supuesto rescampla’l magníficu exemplar de texu (taxus baccata) na parte sur del edificiu, árbol sagráu pa los ástures y mui común na contorna de munchos llugares de cultu relixosu.

Palaciu de Villabona (Villardebeyo)

Palaciu de Villabona (Villardebeyo).

Siguiendo en Llanera, más tarde treslladámonos’til’l Palaciu de Villabona, na parroquia de Villardebeyo (tamién llamada Villardobeyo). Llevantáu a los pies del Picu Santufirme,’tis ún de los puntos d’interés de la Ruta de los Palacios como Bien d’Interés Cultural.

Pertenez a la familia de los Bernaldo de Quirós, titulares del Condáu de San Antolín de Sotiello. De la so planta orixinal (sieglu XVII) namás conservamos ún de los dos torruxones por mor d’una quema. Ésti consta d’una capiella con una cúpula nervada -obra de Juan Naveda- consagrada a los Reis Magos, anque güei ’tain’t posible oficiar ceremonies y cumple función d’almacén. El pórticu románicu trúxose del conventu uvieín de Santa Clara, y presidía la entrada de la finca’til qu’un camión lu valtara accidentalmente en 1986.

La casona anexa ta construyida nel sieglu XVII y poseye dos plantes. Na superior existe un balcón con dos escudos d’armes a cada llau (los d’Alfonso de Villabona y los de los Portal d’Uviéu). Nel interior, amás de les munches pieces d’arte, podemos ver un patiu cubiertu con corredores de madera de castañal neobarrocos tallaos na década de 1950.

“Depués de Dios la casa de Quirós”.

Los alministradores actuales del espaciu son una pareya de pravianos. L’home lleva nel mundu de la hostelería dende los 17 años y rexentara otros negocios d’hostelería en Santiago de Compostela. En Villabona especialícense en bodes y banquetes con un serviciu de lluxu pa un públicu distinguíu. Mientres mos falaben de la so esperiencia de negociu nel palaciu sopelexáronse dellos temes, como la dependencia d’una xestión política abúlica’bout’l mundu turísticu~hosteleru, o de la conveniencia d’atrayer divises de los usuarios del Trescantábricu, pero tamién de les duldes’bout l’Autopista del Mar ente Xixón y Nantes (Naunnt/Naoned). En definitiva, podemos dicir que busquen algamar a esi públicu inglés y francés de mayor nivel adquisitivu interesáu nos circuitos gastronómicos selectos.

Hai que destacar que, si nun entendí mal, los domingos y festivos ufren un menú con mui bona pinta que rolda los 20, bastante accesible pa los mortales que queremos celerar dalguna ocasión especial.

DSCN3087Llamentablemente’l tiempu fíxomos arrenunciar de la visita a la Estación de Ferrocarril de Llanera, un exemplu de patrimoniu industrial y que pue dicise que forma un conxuntu interesante coles edificaciones obreres de la redolada.

La siguiente parada foi en Villabona pa facer una posa, onde dellos compañeros esfrutaron d’una partida al futbolín de lo más estrema mientres yo me tomaba un café de tamañu familiar que les mios manes engarrutaes agradecieron enforma.

Llueu de calecer un puquiñín averámonos a la Casa d’Alonso del Campo en Pondal (Llugo), actual Casa de Cultura, onde los compañeros llaneranos Bertín y Diana ufrieron una charra perinteresante repasando tolos recursos turísticos del conceyu, poniendo especial atención na tradición alfarera que faen suponer los fornos romanos atopaos nel llugar, de los que pel momentu nun se realizó nenguna puesta en valir. Completóse la visita con una bolsina con dello material de promoción turística, cortesía del Conceyu. Sicasí, en nengún de los folletos turísticos facilitaos apaez la toponimia tradicional del conceyu de Llanera, con un decretu pendiente d’aprobación que lleva “en procesu” dende hai varios años. Esperemos que nel futuru próximu se curie meyor d’esa parte del patrimoniu.

“En el corazón de Asturias”, asina reza’l slogan turísticu d’un conceyu bien guapu y inespicablemente desconocíu que, pola so situación, el 70% de los asturianos tenemos a 15 minutos.

Advertisements

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s