Los carbayos n’Asturies I: El carbayu común

El Carbayón d'Uviéu que dio nome a los habitantes de la  ciudá, tronzáu en 1879.

Grabáu onde apaez el famosu Carbayón d’Uviéu, que dio nome a los habitantes de la ciudá. Foi tronzáu en 1879 por decisión del conceyu a causa d’una enfermedá.

Hai poca xente que conoza la mio afición pola botánica, más concretamente hacia la flora arbórea. Pa con tolo friki que pueda sonar, dende bien guaḥe fui capaz de reconocer la mayor parte de los árboles del monte y ello sirvióme pa valorar meyor el mio entornu y esfrutar meyor les mios escursiones. Los árboles nun son una bobada,’tis imposible entender la cultura rural asturiana y llionesa ensin l’aprovechamientu que los nuesos paisanos fixeron d’ellos. Si nun hubiere carbayos, castañales o umeros posiblemente nun tuviéremos nin madreñes, nin horros, nin llagares, nin chalanes nin una montonera d’otros reconocibles oxetos fechos cola so madera (nin frutos, nin mazanes coles qu’ellaborar la sidra…).

Pa que saquéis meyor partíu a les vueses escapaes y diversifiquéis un poco’l conocimientu voi xubivos una serie d’entraes mui cencielles p’averavos a, por exemplu, los carbayos, que son los árboles más populares d’Asturies.

Nes distintes entraes falaremos de los tipos de robles que muden la fueya pela seronda. Yá sé lo que tais pensando; «que “roble”’tis una pallabra castellana, que n’asturianu lo correcto’tis dicir “carbayu” y… ¿Dios míu, cómo’tis eso de qu’hai más d’un tipu?» Calma, nun vos suicidar tovía.

El roble más estendíu’tis’l llamáu carbayu común (quercus robur). Quercus’twas una pallabra llatina pa referise a les especies d’árboles que producen abeyotes, mientres que’l vocablu robur vendría a ser roxo (pola color que tomen les fueyes pela seronda). Siendo unos árboles mui vigorosos y de madera mui duro acabó significado tamién fortaleza, d’ehí lo de robustu o corroborar (dar fuercia a daqué). Y, por cierto, el verbu roborare (fortalecer, razonar, confirmar,  firmar) derivó nel castellanu roborar (anguaño en desusu) y nel asturllionés roblar (firmar un acuerdu).

Asina, los asturianos y llioneses quedaríense cola pallabra prerromana carbayu pa llamar a toles variedaes de quercus (amás de la del roble), mientres que los castellanos tomaríen la pallabra roble pa llamar a aquelles especies de quercus asemeyaes al “carballo”. Polo tanto podemos dicir que na llingua asturiana’l roble o robre (Lln-Pm) fai referencia preferentemente al carbayu o, si lo preferís, a les especies de carbayos que muden la fueya.

Por último,’tis mui posible que si preguntáis a los paisanos vayáis atopar varios nomes pa designar a una variedá de roble/carbayu o al revés (un mesmu nome aplicáu a variedaes diferentes). Esto’tis dalgo usual, pasa tamién en castellanu y en gallego-portugués, y’tis que tradicionalmente’twas estraño que la xente conociera más allá de 30 km a la rodiada de la so llocalidá natal y que polo tanto namás percibiera la flora del so valle o del so conceyu.

El carbayu

El carbayu común (quercus robur), como digo,’tis ún de los más representativos y conocíos. Munchos pueblos d’Europa considerábenlu un árbol sagráu: los druides celebraben les sos ceremonies retirando fexes d’arfueyu de les sos rames, que llueu usaríen nes sos pociones, los griegos consagrábenlos a Zeus, hebo carbayos llevantaos n’honor a Xúpiter nos siete montes de Roma y La Biblia alude al roble ente les munches maderes coles que se construyó l’Arca de Noé. Ye amás el símbolu del pueblu vascu, pos’twas baxo l’árbol de Gernika onde los reis xuraben respetar los fueros. Yera vezu llantalos nes places de los pueblos, al tiempu que les llameres, y foi gracies a un d’estos famosos y añeyos árboles allugáu na cai Uría polo que los uvieínos reciben cariñosamente (o non) el xentiliciu de carbayones.

Otramanera, como nos amuesa García Arias, la toponimia asturiana ta estrada de carbayos; El Carbayu (Si, Llg, Vd), Carbachu (Cn), Carbayín (Si), El Carbaín (Gr, St, Ce), Carbaínos (Xx), El Carbayón (Pi, Uv, Mi), El Carbayal (Pi, Vv, Na, Llg, Ll, St, Ni), Carbayal (Po, Lla, Na, Bi, Llv, Sl, Ei, Bu, Cs), Carbayar (Ti), Carbayalín (Ay), Carbaéu (Cn, Cd, An), La Carbayeda (Uv), La Carbayera (Vv, Xx), La Carbayosa (Mo, Gr), etc. asina como formes nel gallego-portugués d’Asturies; Carballo Cuito (Gs), Carballo Falso (Gs), Carballo del Fole (Vn), etc.

Carbayón de Valentín (Tinéu)

Carbayón de Valentín (Tinéu). Fotografía: Alberto Gil

Xeneralmente habita la zona central y llitoral asturianos’til los 1.000 m y llega’til los 30 m d’altura, anque’l tueru’tis curtiu con una corteya buxa y agrietada. Les sos fueyes son grandes, dalgo allargaes (7-14 cm), de color verde vivo y l’aviesu más pálidu, tienen unos llóbulos redondos y irregulares mui característicos. La so abeyota’tis llarga, la tapina escamosa que la cubre penriba llámase garrapiellu y el rabín, pedúnculu (tolo que tenéis que saber’tis que nel casu del carbayu’tis bastante llargu). Un datu graciosu’tis que pela seronda los esguilos escuenden y almacenen les abeyotes enterrándoles, pero como tienen mui mala memoria a veces escaecen dalgunes y pela primavera guañen, aidando a medrar la carbayera.

Nel país cuntamos con trés Monumentos Naturales arreyaos a estos exemplares; La Carbayera (Cabueñes, Xixón), el Carbayón de Llavandera (Llavandera, Xixón) y el Carbayón de Valentín (Tinéu), qu’apaez citáu en documentos anteriores al descubrimientu d’América.

De recién vien de descubrise una nueva especie mui asemeyada, el carbayu cantábricu (quercus orocantabrica). Son árboles con unes fueyes similares al carbayu, pero cola diferencia de que polo normal surde en suelos pedresos de forma arbustiva a muncha altura y tien unes abeyotes mui redondes, cubiertes cuasi dafechu pol garrapiellu. Los primeros exemplares identificáronse nel conceyu llionés de Valdepiélago hacia 1978.

Advertisements

3 responses to “Los carbayos n’Asturies I: El carbayu común

  1. Pingback: Los Carbayos n’Asturies II: Rebollos y Villanos | Denis Soria·

  2. Pingback: Los carbayos n’Asturies II: El Rebollu | Denis Soria·

  3. Pingback: Los carbayos en Asturias: El Rebollo | Denis Soria·

Dexa un comentariu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s